Plantun de Prouvènço

Pèr coumpara dos planto d'encò nostre

Cystopteris fragilis & Oenothera villosa

Cystopteris fragilis

Cystopteridaceae Woodsiaceae

Noms en français : Capillaire blanc, Cystoptéride fragile.

Descripcioun :
Féuse prim que trachis dins lis asclo de roucas en mountagno. Aquéu gènre Cystopteris se destrìo dis Asplenium qu'a lis soro redouno e pas en loungour (fotò). Li foundo soun descoupado d'un biais prim.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Cystopteris
Famiho : Cystopteridaceae
Famiho classico : Woodsiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Printèms - Estiéu - Autouno - Ivèr

Sòu : Ca
Autour basso e auto : 400 à 2600 m
Aparado : Noun

Liò : Paret - Relarg umide - Roucas - Roucaio
Estànci : Subremediterran à Aupen
Couroulougi : Cousmoupoulito
Ref. sc. : Cystopteris fragilis (L.) Bernh., 1805

Rougeto(-peludo)

Oenothera villosa

Onagraceae

Autre noum : Erbo-dis-ase.

Nom en français : Onagre velue.

Descripcioun :
Aquest Oenothera èi di mai coumun dins la valado dóu Rose. La planto èi grando, pelouso e picoutado de rouge (péu glandoulous - fotò) sus la cambo. Li sepalo soun pas rouge, bèn verdo emé gaire o pas de péu glandoulous rouge. Li flour soun souvènt pas gaire duberto.

Usanço :
Li rougeto nous vènon d'Americo dóu Nord. Se manjon, li racino (cuecho), li fueio (coume d'espinard), li flour (en ensalado) emai peréu li grano que dounon d'òli richo en oumega-3. Li racino de rougeto soun vertuouso contro lou mau de vèntre.